CLICK HERE FOR BLOGGER TEMPLATES AND MYSPACE LAYOUTS »

Wednesday, June 3, 2009

பிடிமானம்..



தூக்கி கொஞ்சப்படும்
குழந்தை நம்மீது சிறுநீர்
கழிக்காதவரை இறக்கிவிடுவதில்லை!


சிலகொஞ்சல்களோடு
திட்டிக்கொண்டே விடுவிக்கப்படும்
இந்த பிடிமானத்தில் எவ்வித
வெறுப்புகளும் இருப்பதில்லை!


கிளையொடிந்து கீழ்விழும்
சிறுவனின் கை தரைவரும் வரை
கிளையை விடுவதில்லை!


அதிபயத்தோடு
முனகிக்கொண்டே விடுவிக்கப்படும்
இந்த பிடிமானத்தில் எவ்வித
வெறுப்புகளும் இல்லை!


இப்படியாகவே
சில உறவுகளின் மீதான பிடிமானமும்!

0 பேர் எண்ணத்தை பாத்திருக்காங்க..: