CLICK HERE FOR BLOGGER TEMPLATES AND MYSPACE LAYOUTS »

Monday, October 12, 2009

மதுவோடு கோப்பை



#
மிகப்பிடித்தமாயிருக்கிறது
காலிக்கோப்பைக்கு
மதுவை..
மதுவுக்கு
காலிக்கோப்பையை
இவையிரண்டையும்
எனக்கு..

#

கோப்பையின் புறத்தில்
சித்திரமென
வரையப்பட்ட கொடிகள்
மது ஊற்றிய பின்னரே
துளிர்க்க துவங்குகின்றன.

#

சிலநேரங்களில்
காக்டெயில் கலவை
பிடித்தமாயிருக்கிறது
கோப்பையின்
விளிம்பிலிருக்கும் வறட்சிக்கு

#

ஒரு நீண்ட
வறட்சியின் பின்னால்
அதிகமாய்
குடித்துவிடுகிறது
கோப்பை

#

அளவுமீறி
ஊற்றும்போது
சலனமில்லாமல்
வழியத்துவங்குகிறது
வார்த்தைகள்..

#

காலிக்கோப்பையின்
மௌனமெல்லாம்
மதுவைக்கண்டதும்
இசையென
இனிக்கிறது....

#

காலிக்கோப்பை
"மலடி"
நிரம்பியக்கோப்பை
"நிறைமாதகர்ப்பிணி"

குழறும் வார்த்தைகளே
குழந்தைகள்...

#

அடிக்கடி
அளவுதாண்டி விட்டு
கவிழ்ந்து கிட்டபதும்
கோப்பையின்
வாடிக்கை..

#

மதுவில்லாத
நேரத்தில்
விரிசல்களை
ஏற்படுத்திவிடுகிறது
வறட்சி

#

கோப்பை
திடம்
மது
திரவம்
போதை
வாயு???????

#

பல
இரவுகள்
கோப்பையின்
போதையில்தான்
உறக்கம்கொள்கின்றன..

#

நான்
எழுந்த பின்னரே
எழுகிறது
கோப்பை!

வெற்றிடத்தோடு!!

1 பேர் எண்ணத்தை பாத்திருக்காங்க..:

Tamil Home Recipes said...

சிந்திக்க வைக்கும் எழுத்து