தனிமையில் உன்னுடன்....

நெரிசல்களோடான

என் பயணத்தில் எனை ஆட்கொண்ட

தனிமையின் நினைவில்

ஏதோ ஒரு பிரதேசத்தில்

கைக்கோர்த்தபடியே நடந்துகொண்டிருந்தோம்!

ஒருகையில் உன் விரல்களை

பின்னிக்கொண்டு

ஒரு கையில் செவ்வானத்தை

இழுக்கமுற்படும் என் மௌனங்களின்

சப்தம் யாருக்குமே கேட்டிருக்கவாய்ப்பில்லை!

உன்னை உரசியபடியே

அதோ தூரத்தில் பறக்கும் அவ்விரு

பறவைகளின் நேசத்தையும்

உனையே சுழலும் என் காதலையும்

என்னுடன் பயணிப்பவர்களுக்கோ

உனக்கோ தெரிந்திருக்கவாய்ப்பில்லை!

ஏனோ உனக்கு தெரியப்படுத்தவும்

எனக்கு தெரியவில்லை!