அவிழாத முடிச்சுகள்-2

ஓடி விளையாடி
சிட்டென பறந்து நானுமே
பட்டென பறக்கும்
பட்டாம் பூச்சியின்
வண்ணம் ரசித்து
அதை கையில் பிடித்து
என் அருகில் வைத்து
கொஞ்சிவிட ஆசை..

எல்லோரும் போல்
நானும் அனைவரையும்
கண்டே கரம் அசைத்தே
மலர்ந்த முகத்துடன் வரவேற்க
அளவில்லாத ஆசை..

அன்னை அவளின் முகம்
பார்த்து அவள் ஊட்டும்
நிலாச்சோறை நிலவை
பார்த்தே உண்ண ஆசை..

ஆசைகள் அத்தனையும்
அழகான முடிச்சுகளாய்.
ஆண்டவன் படைப்பிலே
குருடாய் பிறந்ததனால்
அறுவை சிகிச்சையாலும்
அவிழாத முடிச்சுகள்
என் ஆசை முடிச்சுகள்...